Nashik Mahanagarpalika Safai Karmchari Bharti 2020

Nashik Mahanagarpalika Safai Karmchari Bharti 2020

सफाईवरून नाशिक महापालिकेत वांदग

Nashik Managarpalika : The contract of 700 employees hired by the Nashik Managarpalika for road cleaning in the east and west divisions has again caused controversy. He alleged in the standing committee that the contractor was deducting mutual amount from the salaries of the employees. The members demanded cancellation of the contract saying that the deposit of Rs 15,000 taken by the contractor was not returned. The Nashik Municipal Corporation has given the task of cleaning two sections of the city to Water Watergrass Limited Company. Members of the Standing Committee on Tuesday made serious allegations against the administration over the contract. After receiving the commencement order, a deposit of Rs. 15,000 was taken during the recruitment process.

महापालिकेच्या वतीने पूर्व व पश्चिम विभागात रस्त्यांच्या साफसफाईसाठी आउटसोर्सिंगने भरती करण्यात आलेल्या सातशे कर्मचाऱ्यांचा ठेका पुन्हा वादाचे कारण बनला आहे. ठेकेदार कर्मचाऱ्यांच्या वेतनातून परस्पर रक्कम कपात करीत असल्याचा आरोप स्थायी समितीत केला. ठेकेदाराने घेतलेले १५ हजारांची अनामत रक्कम देखील परत न केल्याचे सांगत, सदरचा ठेका रद्द करण्याची मागणी सदस्यांनी केली. महापालिकेने शहरातील दोन विभागातील स्वच्छता करण्याचे काम वॉटर वॉटरग्रेस लिमिटेड कंपनीला दिले आहे. स्थायी समितीत मंगळवारी ठेक्यावरून सदस्यांनी प्रशासनाला धारेवर धरत, गंभीर स्वरुपाचे आरोप केले. कार्यारंभ आदेश मिळाल्यानंतर भरती प्रक्रिया राबवितांना १५ हजार रुपये अनामत घेण्यात आली. याविरोधात आवाज उठल्यानंतर आरोग्य विभागाच्या संचालिका डॉ. कल्पना कुटे यांनी नोटीस बजावत अनामत रक्कम परत करण्याच्या सूचना दिल्या होत्या. परंतु, त्याची पूर्तता झाली नसल्याचा आरोप कमलेश बोडके यांनी केला. नियमाप्रमाणे २७ हजार रुपये वेतन स्वच्छता कर्मचाऱ्यांना मिळणे अपेक्षित असताना प्रत्यक्षात हातात साडेबारा हजार रुपये मिळत असल्याचा आरोप सदस्यांनी बैठकीत केला. या विरोधात काँग्रेसच्या डॉ. हेमलता पाटील यांनी उच्च न्यायालयात धाव घेतली. पंतप्रधान नरेंद्र मोदी यांच्याकडेही तक्रार केली आहे. नियमित वेतनात आठ ते दहा दिवसांच्या सुट्या पकडून कपात केली जात असल्याचा आरोप सदस्यांनी केला.

..तर कारवाई करणार

कमलेश बोडके, कल्पना पांडे, सुनीता कोठुळे, स्वाती भामरे, वर्षा भालेराव, प्रा. शरद मोरे यांनी कामामधील अनियमितता, ठेकेदाराची मुजोरी व कर्मचाऱ्यांची होणारी लूट होत असल्याचा आरोप करताना ठेका रद्द करण्याची मागणी केली. स्थायी समिती सभापती गणेश गिते यांनी सविस्तर अहवाल सादर करण्याच्या सूचना देताना अनियमितता आढळल्यास ठेका रद्द करण्याची कारवाईचे आश्वासन दिले.

ठेका रद्द होण्याची शक्यता

स्थायी समितीत सफाई ठेक्यावरून नगरसेवक आक्रमक झाले असताना सफाईच्या वादाचा दुसरा अंक आयुक्त कार्यालयात घडला. वाल्मीकी मेघवाळ, मेहतर समाज संघटनेने आयुक्त दालनांसमोर ठिय्या देत, सफाई कर्मचाऱ्यांच्या अन्य विभागात केलेल्या बदल्या रद्द करण्याची मागणी सायंकाळी केली. स्वच्छतेचा ठेका रद्द करावा, कायम कर्मचाऱ्यांच्या अन्यायकारक बदल्या रद्द कराव्या या मागण्यासाठी आयुक्त कार्यालयाला वेढा देत, प्रशासनाची कोंडी केली. सुरेश मारू यांच्या मार्गदर्शनाखाली झालेल्या आंदोलनात आयुक्त जाधव यांच्या वाहनाला घेराव घालण्याचा प्रयत्न आंदोलकांनी केला. स्थायी समिती सभापती गणेश गिते, नगरसेवक मुकेश शहाणे यांनी मध्यस्थी केली. चर्चेअंती आयुक्त जाधव यांनी मागण्या काही प्रमाणात मान्य करताना परिस्थिती पूर्वपदावर आणण्याचे आश्वासन दिल्याने एकंदरीत ठेक्याबद्दल प्राप्त झालेल्या तक्रारींवरून ठेका रद्द होण्याची दाट शक्यता निर्माण झाली आहे.

सौर्स : मटा


नाशिक महापालिकेत  सफाई कर्मचारी भरती

Nashik Mahanagarpalika Bharti 2020 : As there is insufficient number of “safai karmchari” in Nashik city, NMC has decided to outsource 700 cleaners. Congress spokesperson Hemalatha Patil had moved the high court alleging irregularities in the matter. The one-year contract was awarded for three years, while Watergress had objected to conducting the tender process only for the company. Therefore, the High Court had stayed the tender process. However, on May 22, the High Court lifted the stay and clarified that there was no irregularity. Read the details given below and keep visit us…

Nashik Mahanagarpalika Bharti 2020

नाशिक शहरात सफाई कामगारांची अपुरी संख्या असल्याने महापालिकेने ७०० सफाई कामगार आऊटसोर्सिंगने घेण्याचा निर्णय घेतला आहे. या संदर्भातील अनियमितता झाल्याचा आरोप करीत काँग्रेसच्या प्रवक्त्या हेमलता पाटील यांनी उच्च न्यायालयात धाव घेतली होती. एक वर्षाचा ठेका असताना तीन वर्षांचा देण्यात आला असून, वॉटरग्रेस कंपनीसाठीच निविदा प्रक्रिया राबविण्यावर आक्षेप घेतला होता. त्यामुळे उच्च न्यायालयाने या निविदा प्रक्रियेला स्थगिती दिली होती. परंतु, गेल्या २२ मे रोजी उच्च न्यायालयाने ही स्थगिती उठवत यात अनियमितता झाली नसल्याचे स्पष्टीकरण दिले होते. यामुळे डॉ. पाटील यांनी सर्वोच्च न्यायालयात धाव घेतली होती. या प्रकरणात अनियमितता असून, स्थगिती देण्याची मागणी त्यांनी अॅड. विनय नवरे, अॅड. सम्राट शिंदे यांच्यामार्फत केली होती. मुख्य न्यायमूर्ती शरद बोबडे यांच्या पीठासमोर सुनावणी झाली. या ठेक्यात स्थगिती आदेश उठवल्याने आणि मुळातच ठेकेदार कंपनीला कार्यारंभ आदेश दिल्याने पुन्हा स्थगिती आदेश देण्यास न्यायमूर्तींनी नकार दिला. स्थगिती देण्यापेक्षा मूळ याचिकेवरच सुनावणी घ्यावी, असे न्यायमूर्ती बोबडे यांनी नमूद केल्याची माहिती डॉ. पाटील यांचे उच्च न्यायालयातील वकील अ‍ॅड. संदीप शिंदे यांनी दिली. महापालिकेत आऊटसोर्सिंगद्वारे ७०० सफाई कर्मचारी भरती प्रकरणाला स्थगिती देण्यास सर्वोच्च न्यायालयाने नकार दिला आहे. परंतु, या प्रकरणातील मूळ याचिकेवर मुंबई उच्च न्यायालयात सुनावणी घेता येईल, असे सर्वोच्च न्यायालयाने म्हटले आहे. या निर्णयाने महापालिकेसह ठेकेदाराला दिलासा दिला आहे.

ठेकेदाराकडून भरती सुरू

सर्वोच्च न्यायालयाने या प्रकणात थेट हस्तक्षेप करण्यास नकार दिल्यानंतर पालिकेसह ठेकेदाराचे बळ वाढले आहे. महापालिकेने संबंधित ठेकेदारास कार्यारंभ आदेश दिल्यानंतर ठेकेदाराने सफाई कर्मचारी भरती सुरू केली आहे. या भरती प्रक्रियेवर मात्र विरोधकांनी आक्षेप घेण्यास सुरुवात केली आहे. आता उच्च न्यायालयातच ही लढाई लढू, असे स्पष्टीकरण डॉ. पाटील यांनी दिले आहे.

सौर्स : मटा


नाशिक महानगरपालिकेमध्ये दोन महिन्यांसाठी स्वच्छता कर्मचारी भरती

Nashik Mahanagarpalika Bharti 2020 : As per the news received from the resources various posts like 5000 will be still vacant in Nashik Mahanagarpalika. But only 1700 employees are filled. Nashik Mahanagarpalika want to recruiting 700 safai karmchari very soon through the outsourcing process. Read the complete details carefully given below :

Nashik Mahanagarpalika Bharti 2020

नाशिक : शहरात स्वच्छता करण्यासाठी लोकसंख्येनुसार पाच हजार सफाई कर्मचाऱ्यांची आवश्यकता असतांना, सध्या सतराशे कर्मचाऱ्यांवर सफाई केली जात आहे. पालिकेने आऊटसोर्सिंद्वारे ७०० सफाई कर्मचारी भरती करण्याचा निर्णय घेतला असला तरी, तो न्यायालयात अडकून पडला आहे. त्यामुळे करोनाच्या पार्श्‍वभूमीवर शहरात नियमित साफसफाईसाठी दोन महिन्यांसाठी कंत्राटी पद्धतीने भरती करावी अशी मागणी शहरातील तीनही आमदारांसह महापौर सतीश कुलकर्णी यांनी महापालिका आयुक्त राधाकृष्ण गमे यांच्याकडे केली आहे.याबाबत चर्चा करण्यासाठी शनिवारी आयुक्त राधाकृष्ण गमे यांच्या दालनात बैठक घेण्यात आली. महापौर सतीश कुलकर्णी, आमदार अॅड. राहुल ढिकले, सिमा हिरे, प्रा. देवयानी फरांदे उपस्थित होते. करोनाचा प्रादुर्भाव रोखण्यासाठी शहरात स्वच्छता व जंतुनाशक फवारणी नियमित होणे आवश्‍यक आहे. सध्याच्या सफाई कर्मचाऱ्यांची संख्या तोकडी आहे. आऊटसोर्सिंगने ७०० सफाई कर्मचारी भरती प्रक्रियेस उच्च न्यायालयाने मनाई केली आहे. त्यामुळे आयुक्तांनी शासनाच्या सचिवांशी चर्चा करून किमान दोन महिन्याकरिता कंत्राटी पद्धतीने कर्मचारी तातडीने भरावे, लॉकडाऊन मुळे नाशिक मध्ये नागरिकांना औषधे व जीवनावश्‍यक वस्तू घेण्यात अडचणी येत असल्याने महापालिकेने मोबाईल अॅप्लिकेशन तयार करून त्यावर प्राप्त होणाऱ्या तक्रारींचे निराकरण करण्यासाठी दोन अधिकाऱ्यांची संपूर्ण नावे व त्यांच्या फोन नंबर अॅपवर द्यावा. शहरातील भाजी मार्केट मध्ये सामाजिक आंतर पाळणे, भाजीपाला हाताळताना संसर्ग होऊ नये तसेच पैशाची देवाण-घेवाण करताना संसर्ग होऊ नये यासाठी पेटीएम क्रेडिट कार्डची सुविधा वापरावी, आदी मागण्या करण्यात आल्या.

सौर्स : मटा




11 thoughts on “Nashik Mahanagarpalika Safai Karmchari Bharti 2020”

Leave a Comment