Pune University Recruitment 2020

Pune University Recruitment 2020

सहायक प्राध्यापक पदे भरण्यासाठी ‘एनओसी’

Assistant Professor Bharti 2020 : It was started by applying online proposals for “NOC” from colleges, completing its investigation at all three levels, from its Divisional Higher Education Director, Higher Education Director, Secretary in the Ministry, and implementing the “NOC” method directly from the government. Some days the college quickly got the “NOC” in this manner. However, the delay in getting “NOC” started from the government level. It is a fact that half of the 522 colleges in the state got “NOC”.

Assistant Professor Bharti 2020

शासन निर्णय; अनुदानित महाविद्यालयात भरती

पुणे – राज्यातील अनुदानित महाविद्यालयातील सहायक प्राध्यापकांची रिक्त पदे भरण्यासाठी पुन्हा शासनस्तरावरुनच “एनओसी’ देण्याचा निर्णय घेण्यात आलेला आहे.

पदभरती करताना प्रत्येक महाविद्यालयास संबंधित विद्यापीठाने दिलेली संलग्नता अबाधित राहण्यासाठी व महाविद्यालयांचे मूल्यांकन व फेरमूल्यांकन होण्यासाठी आवश्‍यक मर्यादा विचारात घेऊन सर्व पदे समान प्रमाणात भरण्यासाठी दक्षता घेण्यासाठी उच्च व तंत्र शिक्षण विभागाने 19 जानेवारी 2019 रोजी आदेश जारी केले होते. पदभरतीस “एनओसी’ देण्याच्या पध्दतीत बदल करण्यात आले होते.

महाविद्यालयांकडून “एनओसी’साठी ऑनलाइन प्रस्ताव मागवून त्याची विभागीय उच्च शिक्षण सहसंचालक, उच्च शिक्षण संचालक, मंत्रालयातील सचिव या तीन स्तरावरुन त्याची तपासणी पूर्ण करुन थेट शासनाकडून “एनओसी’ देण्याची पध्दत राबविण्यास सुरुवात करण्यात आली होती. काही दिवस या पध्दतीने महाविद्यालयाला त्वरीत “एनओसी’ मिळाल्या. मात्र, नंतर “एनओसी’ मिळण्यास शासन स्तरावरुनच विलंब होऊ लागला. राज्यात 522 महाविद्यालयांपैकी निम्म्याच महाविद्यालयांना “एनओसी’ मिळाल्या ही वस्तुस्थिती आहे.

सौर्स : प्रभात





प्राध्यापकांच्या भरतीची घोषणा कागदावरच

Pune University Recruitment 2020 : As per the latest news the professor recruitment inSavitribai Phule Pune University still now process. Pune university will be recruitment the professor within a month. But in the last month, nothing has happened but it has become clear that the announcement is a ‘fake’ of assurance. Read the complete details carefully and keep visit us.

पुणे – सावित्रीबाई फुले पुणे विद्यापीठातील १११ प्राध्यापकांच्या भरतीसाठी एका महिन्यात जाहिरात काढली जाईल, अशी घोषणा उच्चतंत्र शिक्षणमंत्र्यांनी केली होती. मात्र गेल्या महिनाभरात यावर काहीच झालेले नसून, हो घोषणा म्हणजे आश्‍वासनाचे ‘गाजर’ असल्याचे स्पष्ट झाले आहे.

राज्यात महाविकास आघाडी सरकार स्थापन झाल्यानंतर उच्चतंत्र शिक्षणमंत्री उदय सामंत यांनी सावित्रीबाई फुले पुणे विद्यापीठाला भेट दिली होती. त्या वेळी कुलगुरू डॉ. नितीन करमळकर यांच्यासोबत विद्यापीठाशी संबंधित विषयांवर चर्चा करताना प्रलंबित प्रश्‍न मार्गी लावण्यासाठी प्रयत्न केले जातील असे सांगितले. त्यामध्ये प्राधान्याने प्राध्यापक भरती, विद्यापीठाच्या नाशिक व नगर केंद्राचे सक्षमीकरण हे विषय घेण्यात आले होते.
युती सरकारच्या काळात मेगा भरतीची घोषणा केल्यानंतर विविध विद्यापीठांमधील शिक्षक व शिक्षकेतर पदांच्या भरतीचा विषयही समोर आला होता. त्या वेळी अकृषी विद्यापीठांमधील सर्व रिक्त जागा सरसकट न भरता ८० टक्के प्राध्यापकांची भरती केली जावी, असा निर्णय घेतला होता. त्यासाठी राज्यातील सर्व विद्यापीठांनी तयार सुरू केली होती. राज्यातील १५ कृषी विद्यीपाठांमध्ये ६५९ प्राध्यापकांची पदे भरली जाणार होती.
त्यात पुणे विद्यापीठातील सुमारे १४५ प्राध्यापकांच्या रिक्त जागांपैकी १११ जागांचा समावेश होता. ही प्रक्रिया सुरू असताना समाजकल्याण विभागाने छोट्या संवर्गातील पदांच्या सुधारित बिंदूनामवलीस स्थगिती दिल्याने ही प्राध्यापक भरती रखडली आहे.
पुणे विद्यापीठात झालेल्या बैठकीत ही वस्तुस्थिती समोर आल्यानंतर उच्च शिक्षणमंत्री सामंत यांनी याप्रकरणात लक्ष घालून, प्राध्यापक भरतीतील समाज कल्याण विभागाच्या आदेशाबाबत सुधारणा करून, त्यातील त्रुटी दूर करू व पुढील एका महिन्यात प्राध्यापक भरतीसाठी जाहिरात काढली जाईल, अशी घोषणा केली होती. मात्र अद्याप काहीही झालेले नाही.

गुणवत्तेवर होतोय परिणाम

विद्यापीठांमधील विभागांमध्ये प्राध्यापकांची पदे रिक्त आहेत. त्यामुळे कमी मनुष्यबळात अभ्यासक्रम पूर्ण करणे, संशोधन प्रकल्प राबविणे यासह इतर कामांवर परिणाम होत आहे. एकीकडे गुणवत्ता वाढविण्यासाठी नवे प्रयोग सुरू असताना, दुसरीकडे प्राध्यापकांच्या अपुऱ्या संख्येकडे सरकारने दुर्लक्ष केले आहे. लालफितीच्या कारभार सोडून यात सुधारणा होणे गरजेचे आहे, असे मत काही प्राध्यापकांनी व्यक्त केले..

सौर्स: सकाळ





Recruitment of Professor at Pune University soon

पुणे विद्यापीठांतील प्राध्यापक भरती लवकरच

Pune University Bharti 2020 : Savitribai Phule Pune University will open advertisement for the vacant posts of the post of Professor in next month. Besides, there are six vacant seats awaiting the approval of the Finance Ministry of the state, this question will be resolved soon after meeting with Finance Minister Ajit Pawar for the recruitment of these seats, ‘Uday Samant, Minister of Higher and Technical Education, told a press conference on Saturday.

Pune University Bharti 2020

‘सावित्रीबाई फुले पुणे विद्यापीठाच्या प्राध्यापक पदाच्या १११ रिक्त जागांसाठी येत्या महिन्याभरात जाहिरात प्रसिद्ध होईल. त्याचबरोबर राज्याच्या अर्थ मंत्रालयाच्या मान्यतेच्या प्रतीक्षेत ८०० जागा रिक्त जागा असून, या जागांच्या भरतीसाठी अर्थमंत्री अजित पवार यांच्यासोबत लवकरच बैठक घेऊन हा प्रश्न निकाली काढण्यात येईल,’ अशी माहिती राज्याचे उच्च व तंत्रशिक्षण मंत्री उदय सामंत यांनी शनिवारी पत्रकार परिषदेत दिली.

उच्च व तंत्रशिक्षण खात्याचा पदभार स्विकारल्यावर शनिवारी विद्यापीठास भेट दिली. या वेळी उच्च शिक्षण संचालक डॉ. धनराज माने उपस्थित होते. राज्य सरकारने विद्यापीठांना घालून दिलेल्या निकषांनुसार भरती प्रक्रिया पार पडेल. यामध्ये वित्त विभागाच्या मान्यतेच्या प्रतीक्षेत ८०० जागा रिक्त आहेत. सरकारने एकूण रिक्त जागांच्या ८० टक्के जागा भरणार असल्याचे जाहीर केले होते. मात्र, सामान्य प्रशासन विभागाकडून एक निर्णय रद्द झाला. त्यामुळे भरती प्रक्रिया थांबली होती. मात्र, आता या प्रक्रियेत सुधारणा करण्यात येणार असून, प्राध्यापकांची भरती सर्व विद्यापीठांमध्ये होईल,’ असेही सामंत यांनी स्पष्ट केले.

सामंत म्हणाले की, पुणे विद्यापीठातील १११ रिक्त जागा लवकरच भरण्यात येतील. अर्थ खात्याशी निगडीत जागांचा प्रश्न अर्थमंत्री अजित पवारांसोबत चर्चा करून सोडविण्यात येईल. विद्यापीठांप्रमाणे महाविद्यालयातील भरतीचा प्रश्न सोडविण्याचा निर्णय घेतला आहे. हा निर्णय केवळ सावित्रीबाई फुले पुणे विद्यापीठापुरता नसून सर्व विद्यापीठांतील रिक्त जागांवर भरती होईल.

शिक्षकांसाठी पुण्यात प्रशिक्षण अकादमी

‘राज्यातील कॉलेजांमध्ये सुमारे ५५ हजार शिक्षक आहेत. या शिक्षकांना अद्ययावत प्रशिक्षण देण्यासाठी पुण्यात स्वतंत्र अकादमीची स्थापना करण्यात येणार आहे. ‘रोटेशन’ पद्धतीने शिक्षकांना प्रशिक्षण देण्यात येईल. येत्या महिन्याभरात मंत्रिमंडळाच्या बैठकीत हा प्रस्ताव मांडला जाईल. येत्या एक मार्चपासून प्रशिक्षण वर्ग सुरू होतील,’ असेही उच्च व तंत्रशिक्षण मंत्री उदय सामंत यांनी सांगितले.

नगर-नाशिक उपकेंद्रांचे भूमिपूजन लवकर

‘नगर आणि नाशिक उपकेंद्राच्या प्रश्नात मुख्यमंत्री उद्धव ठाकरे आणि पर्यावरणमंत्री आदित्य ठाकरेंनी विशेष लक्ष घातले आहे. नाशिकच्या उपकेंद्राचे दोन भाग झाले आहेत. त्यामुळे एका जागेवर विद्यापीठाचे काम आणि दुसऱ्या जागी राहण्याची व्यवस्था केली जाईल. विद्यापीठातील सात लाख विद्यार्थ्यांपैकी दोन लाख विद्यार्थी नाशिकचे आहेत. येत्या १५ दिवसांत यासंबंधीचा निर्णय प्रसिद्ध करून एक ते दोन महिन्यात इमारतींचे भूमिपूजन होईल,’ असे सामंत यांनी सांगितले.

म. टा.




1 thought on “Pune University Recruitment 2020”

Leave a Comment

MahaGov अधिकृत अँप डाऊन!